Beatles Night in Mizoram

The Beatles Night 2009

2009-10-02T13:34:00.000-07:00

The Beatles Night

By Alan Ralte

SilverHammer Entertainment leh Active Sound ten Mizoram-a The Beatles ngaisangtute tana an buatsaih ‘The Beatles Night’ chu beisei lawk ang ngei in a hlawhtling a. ‘The Fab Four’ ngaisangtu, hranghlui leh thangtharte, an kim thawkhat a. Beraw Tlang-a Tourist Hall sawn a dawl zo lo a ni ber mai! Mizoram-a ‘The Beatles Night’ hmasa ber a tel thei nih kha a hlu in a vanneihthlak hle mai. ‘The Beatles Night’ hi organizer te chuan kum tin neih an tum tih an sawi a. Kum dang leh hmun dangah pawh tih fo chi niin a lang. Hetianga zaithiam lar te pual-a hun hman hi hnam fing leh kan ngaihsan Sap hote pawhin an ching a, an ti fo reng bawk. Kan rama hetiang hun ngaihtuahchhuah nachang hria SilverHammer Entertainment te an fakawm khawp mai. Hemi zan hian The Beatles hla lar ringawt pawh 30 vel an sa a, mit leh beng a tlai hle.

Hemi zanah hian Band pali an zai a. Chungte chu – Sixes and Sevens, GraVity, Axis leh hemi zan atan chauha band din chawp (house band) The Sgt. Pepper’s Lonely Hearts Club Band te an ni.

The Beatles Night programme tlangpui chu hetiang hian hman a ni –

Zarkawt rawlthar band, Sixes and Sevens, te chuan show hi an open a. Anni hian Don’t Let Me Down, Come Together leh Get Back te an rawn sa a, mipui hovin thiam an ti hle.

Sixes & Sevens teenage band from Zarkawt

Hetiang rualin The Beatles hla nalh leh hnehsawh taka an sa thei hi an chhuanawm takzet a ni.

GraVity an rawn che ve leh a. GraVity te hi - Benjamin (Vocals), R. Lalsangpuia (Guitar), Aw.p.a (Bass) leh Lalbiaktluanga (Drums) te an ni.

GraVity presented Medley

GraVity te hian I Wanna Hold Your Hand, All My Loving, Get Back, Rock and Roll Music leh Come Together te nalh takin an rawn medley a ni.

Axis Band ten stage an rawn luah ve leh a. Anni hi - Is-a (Vocals), Totoia (Lead Guitar), Bobo (Rhythm Guitar), Sangtea (Bass) leh Tetea (Drums) te an ni a.

Axis

All My Loving, In My Life, Ticket To Ride leh While My Guitar Gently Weeps an rawn medley a. While My Guitar Gently Weeps guitar solo laiah Totoia’n a rawn zut no hle.

Band ho an chet zawh chiah hian The Beatles hunlaia an lam thin dan angin Aizawl tleirawl hovin Twist and Shout hla-ah an ‘Twist’ thiam takin an rawn show a.

Line Dance - Twist

Heng tleirawl rual, hmeichhia 10 leh mipa 10 awmna dance troupe, te lam hian Beatles hun ‘60s ah mi a kirtir, a hmuhnawm tham hle mai, hemi zana kal hranghluite lung a ti leng thar hle. Lam zirtirtu Pinky a fakawm hle bawk.

Mzvision-an Beatles Night hi kumtin neih tum anih thu a puan bakah, Best Male dancer ah William-a leh Female ah Zorini te lawmman a hlan bawk. Tleirawl ho lam zawh hnu hian

Best Female Dancer - Zorini left corner

MC, Dr. Daniel Chianghnuna’n, The Beatles chanchin tlem azawng a sawi hnuah, house band te a introduce a. Anni hian an band hming phuah chhan Sgt. Pepper’s Lonely Hearts Club Band tih hla hmang ngei in bul an rawn tan a, boruak a hot chho tan hle. A Hard Day’s Night, Don’t Let Me Down leh Day Tripper an rawn sak hnu phei chuan entu te pawh an awm hle hle thei tawh lova. Andy leh Fredy ten Please Mister Postman hla ah an rawn duet a,

Andy & Fredy "Please Mr Postman"

I Wanna Hold Your Hand an rawn sak leh phei chuan hnunglam ho chu an lam suau suau tawh mai a ni. Chutah le!, Andy’an “ka signature hla aw” an rawn ti chiah chu, mipui te chuan Oh! Darling a rawn thlawh dawn tih an

When you told me ..

hre nghal a, a hla hit a ni bawk a, a sa tha kher mai! Beatles fans kalkhawm mipuite chu lam boruakin a tuam tih an chetzia ah a lan avangin, mipuite tiphur leh zual turin Andy’an dancer ho a ko chhuak a, Ob-la-di Ob-bla-da hla an sa a, Dance Toupe ho chuan line dance Cha-cha-cha an rawn show, I Saw Her Standing There a an rawn chhunzawm leh meuh chuan mipui te chu lam lo pawh an awm tawh mang lo. Boruak hot tawh viau mahse band in break an la thut a, Acoustic Session in a rawn chhunzawm.

Acoustic Session ah hian zaithiam bawk doctor ni bawk Dr. Mapuii’n In My Life leh Yesterday nalh em em mai in a rawn sa a.

Dr Mapuii sang "In My Life" & "Yesterday"

Andy - If I Fell

A sak dan style a nalh dangdai em avang leh a zaithiam em avangin mipuite lawm a hlawh em em a ni. Andy’an If I Fell a rawn sa leh bawk a, Brando an acoustic guitar pawh a lo khawih nalh ve theih zia kan hre bawk. He session hi Fredy an accoustic guitar perhin You’ve Got To Hide Your Love Away in a rawn khar a ni.

Karaoke Session in a rawn zui leh nghal a Andy-a chauh zaiin

Karaoke

When I’m Sixty Four leh Yellow Submarine a rawn sa a ni. Projector ah hla thu tih lan a ni a, mipui ten an lo zawm dual dual a ni.

MC a rawn che leh a, saptawng mawi nalh tak maiin The Beatles chanchin ngaihnawm tak tak a rawn sawi a.

MC dr_feelgood

Hemi hnu hian Vanlalrema, Zalen Editor chuan The Beatles Quiz a rawn buatsaih bawk a. Mi pali in lawmman an la a, pakhatna hi Lawyer lar Michael ani. An lawmman te hi Coffee Mug-a The Beatles ho thlalak chuang ani.

Quiz prize distribution

Soldier of Love hla in house band te chuan Second Session an rawn tan a, boruak pawh a hot chho leh nghal viau a ni. Fredy an The Ballad of John and Yoko a rawn sak meuh chuan mipuite chu lam tual ah an rawn chhuak nghal a, a then in a lo zawm a, a then an lam a, a phur zual phei chu stage ah lawnin an lo va zaipui ve ngawng ngawng a. He hla hi a tawp hmain a bul atangin an la nawn leh hial a ni. A hnua Fredy sawi dan phei chuan stage a rawn zai ve te khan part an rawn pe a, an pe dik/nalh em em vek lehnghal a ti. Come Together an rawn ri leh chiah chu a chorus ah Fredy zai hriat theih mang loh khawpin mipui zai a ring!

Come Together

Something hla in boruak an rawn ti dai leh deuh a. Ticket To Ride, Back In The USSR leh Get Back te pawh an thlawh nalh hle bawk. With a Little Help From My Friends ah Andy leh Fredy an rawn duet leh a, an aw an in ang bawk a, a in chawih mawi hle.

Mahse mipui phur boruak vang nge ni, Fredy an Rock and Roll Music a rawn tan thut a, lak nawn leh a ngai hial! A lak that leh hnu chuan Rock and Roll Music hla ngei kha a ni bawk a mipuite chu an zuang tawr tawr tawh mai! Hetia boruak a hot lai tak hian guitarist Brando an nalh mangkhengin Twist and Shout a rawn sa.

Brando - Twist & Shout

Twist

A aw chher dan leh a tham dan lah chu John Lennon a lo tho leh ta e aw tih mai tur ani! Dancer ho lo tlan chhuak, session hmalama an lam dan step chiah khan an rawn lam leh a, pawn lama awm te pawh an rawn tlan lut a, en tute zingah lam lo pawh an awm tawh mang lo.Andy-an All My Loving a rawn thlawh leh,

All My Loving

a hla thu lah chu thalai ten rinphak bakin an lo thiam a, he hla an sak lai hian Andy pawh a phur ngang aniang a hla tawp hmain a bul atangin an la nawn leh. Tichuan Hey Jude in an session hi an ti tawp ta a ni a, ama’rawhchu mipui ngenna a nasat em avangin hla pali an sa leh a. Show a zawh meuh chuan zanlai a lo ni der tawh a, heti chung hian Beatles fans te hian an la kham lo hle a ni.

‘The Beatles Night’ hlawhtlinna chhan ber ni a lang chu house band, The Sgt. Pepper’s Lonely Hearts Club Band, kha an ni a. A bik takin an tingtang perhtu Brando (Lead Guitar) a fakawm a,

Fredy - Rhythm

Brando - Lead

The Beatles hla-ah kher chuan a ni tluk hi Mizo zingah an awm lo ang tih ngam khawpin The Beatles hla zawng zawng hi zir nawn leh hranpa ngailo in a perh thiam vek a ni ringawt mai! Tin, Andy-a zaithiam zia leh a zai theih zia kan hmu bawk. Fa pathum neia chhangchhepa a nih hnuah, Andy-a phirpui, Fredy-a (Rhythm Guitar/Vocals) pawh a lo la ti thei hle a ni. Bassist Lana pawh

Lana - Bassist

Paul McCartney kal kual nalh ang zet in a kal kual nalh khawp thin mai. Keyboardist Chhuantea’n a a keyboard tone a bei ang thei hle a, Let It Be leh Hey Jude te pawh a khak mawi khawp mai. Drummer atana an hman ho - Nghilhlova’n Oh! Darling leh I Wanna Hold Your Hand a vuak nalh zia te, Raymonda’n Get Back leh Back In The USSR a vuak tight zia te leh Masanga’n Come Together leh Something ang lutuka a vuak dan te kha mipui ho chuan an hre rei khawp ang. ‘The Beatles Night’ hlawhtlinna atana pawimawh ber te zinga mi chu Active Sound an ni.

Active Sound sound engineer, Mama red T-shirt

He mi zana an sound mixing tha lutuk avangin The Beatles Fans ten zan hlimawm tak kan hman theih phah a ni. Tin, The Beatles ho Poster hmanga Hall chhung leh pawn an chei dan khan mi a hip hranpa reng reng bawk a. Hall chhung han luh chiah khan Beatles boruakah min chentir nghal thei a, min titlangnel nghal em em mai a ni.

Many signed on Beatles pix at entrance lobby

Tin, mipui kalte an changkang em em a, police leh traffic duty te thu tha takin an zawma, motor dah chungchang ah pawh harsatna awm miah lovin police leh traffic duty te chuan thil an kal pui thei a, organizers leh mipuite pawn an fak a, an chungah an lawm hle a ni.

Full house

Mizote hian event management lamah pawh hma kan lo sawn ve ta viau mai a. Chutih rual chuan zirtur leh hriattur erawh kan la ngah hle niin a lang. ‘The Beatles Night’ zan dar 6pm a tan tura tih dar 8pm ah an tan thei chauh kha organizer ten an tihfuh chiah loh lai ani. Zan dar 6 hun dik taka thleng te an zahawm hle mai. Khatiang a nih dawn chuan tan hun kha tih tlai a, a hun taka tan ni ta se a felfai zawk ngei in a rinawm. Duhtawka zai ngaihthlak tur a awm kha chu thuhran, The Beatles ngaisangtute tana Quiz Programme an siam te leh Session hrang hranga hun then dante khan a buatsaihtute remhriat zia a ti lang a, chutih rualin programme thenkhat erawh kha chu ninawm lamah a kal lek lek. Engpawh ni se ‘The Beatles Night’ kha Show hlawhtling tak a nih a vangin hmun dangah te pawh hman theih zel ni se a duhawm ngawt mai.

Dancer
Time for Jive (William balck T-shirt Best male dancer)

Chhuantea - Keyboardist
Lana with Fedora Hat Bass

Nghilhlova - Drummer

Masanga - Drummer

Raymond - Drummer
Chris - Keyboardist for Tha Balld of John & Yoko
and
Youngest Member og The Sgt'_Band

2009-09-25T14:19:00.000-07:00

Beatles ho leh an hla ngainatu i ni em? Beatles ho rimawi nen zan khat na na na chu hun kal tawh i herlet ang u hmiang – Twist ila, cha cha cha thiam cha cha ila, duh leh Jerk & Shake ila peih loh chuan awmhmunah lo zai nghek nghek ila

A Hmun : Beraw Tlang
A hun : Oct. ni 1, 2009 from 6:00PM
Get your ticket to ride The Beatles Night from GI Infotech opp. Vanglaini office, Zarkawt

The Beatles Night at Beraw Tlang

2009-08-20T13:27:00.000-07:00

When : 1st October 2009 from 6:00PM onwards
Where: Tourist Centre, Beraw Tlang, Aizawl
How : Live Performance from 3 local Bands / Quizz on Beatles / Karaoke / Dances
Cause : Annual Event - The Beatles Fans get together
Entry : To cover expenses Doner Card will be sent on payment of Rs 500+ per head
Snacks will be served once free and will also be available extra at the counter on payment
Contact : mzbeatles@gmail.com mobile: +91-9206006277
Sponsor : Active Sound
Organizer:SilverHammer Entertainment (SHE)

The Beatles Albums

2009-08-17T11:30:00.000-07:00

The Beatles Albums

Suggestion from dr_feelgood

2009-08-13T15:25:00.000-07:00

SOME SUGGESTIONS FOR BEATLES NIGHT.

1.Venue: If the event is to include Dinner, Vana pa hall and Chanmari Hall are out of the question as eating is not allowed. Only option is Tourist Lodge. Since entrance will be a little expensive, large crowd may not be expected, hence, the Tourist Lodge may be big enough. If good PA system is used, good, clean sound can be achieved in the hall as well as the dining area.

2.Dress: Participants may be encouraged to re-create the sixties feel with dress, hair style, shoes and other accessories.

3.Song selection: Your song selection are pretty exhaustive and probably is good enough.

Since this is the first of its kind here, maybe songs from all the Beatles era, such as early days, psychedelic era, and later days from Abbey Road and Let it be can be collected.

4.Performance:You are already thinking of Unplugged and Plugged versions, which is good as it will create variety. Songs may be covered in at least three ways

a) Straight covers, meaning as close to the Beatles version as possible.

b) Own cover, meaning the singer's own version of the song in his/her style.

c) Covers cover, meaning song already covered by other big artistes but in their unique style,

With a liitle help and She came in thru the bathroom.. by Joe Cocker.

5.Audience participation: A quiz may be included to be conducted by the MC / Hosts in between item, which will include Beatles history and other facts. If there are sponsors, small gift items may be arranged for any one who answers correctly.

6.Impromptu performances: Impromptu performances may be had from the audience to liven things up

The Beatles - Legend

2009-08-10T16:53:00.000-07:00

The following songs had already been chosen by the probable artists (yet to be short-listed) from Mizoram -

1	While my guitar gently weeps
2	All my loving
3	Get back
4	I wanna hold ur hand
5	Come Together
6	Don’t let me down
7	Hey Jude
8	Let it be
9	Oh! darling
10	Tickets to ride
11	Yesterday
12	Hard Days Night
13	She Came in Through the Window
14	Soldier of Love (Lay down your arms)
15	With a little help from my friends
16	Something in the way
17	Ob-la-di ob-la-da
18	Here comes the sun
19	Across the universe
20	Please Mr postman
21	Back in the USSR
22	Rock n Roll Music
23	Take good care of my baby
24	Love me do
25	You’ve got to hide your love away

Beatles Night in Aizawl

2009-08-10T16:14:00.000-07:00

We are planning to organize Beatles Night in Aizawl on 1st October 2009. Beatles fans, shortlisted will be singing The Beatles songs as a tribute. There will be performance with live music plugged and unplugged even Karaoke will be there apart from showing Video Clips of The Beatles.

The Beatles songs lyrics will be distributed, and while their songs were sung, and the lyrics will be projected in order to help younger fans sing along. We are expecting fans of all ages from 20 to 60 years.

We are considering to organize the event at Beraw Tlang where one can have dinner too. Entry fee will not be less than Rs 500 per head.

We welcome suggestion, please contact us - email: mzbeatles@gmail.com